Իրադարձություններ Հայաստանում
Կաթվածի կանխարգելման առաջին քայլը չծխելն է. Վիգեն Բաբիկյանի հետ հարցազրույց` Հայաստանի V միջազգային բժշկական համագումարի շրջանակում. 5imca.am
Հայաստանի հինգերորդ միջազգային բժշկական համագումարի բանախոսներից էր Բոստոնի բժշկական կենտրոնի կաթվածաբան Վիգեն Բաբիկյանը: Պրոֆեսոր Բաբիկյանը հայտնի է կաթվածի բնագավառում կատարած հետազոտություններով, աշխարհահռչակ պարբերականներում իր բազմաթիվ գիտական հրապարակումներով:
- Դուք համագումարի ընթացքում խոսել եք ուղեղի կաթվածի մասին: Որո՞նք են այս ոլորտում բուժման նորարարությունները և որքանո՞վ են դրանք Հայաստանում հասանելի:
- Կան դեղեր, որոնք օգնում են նվազեցնել կաթվածի հետևանքները, և արդյունքն առավել արդյունավետ է: Զարկերակային մուտքով հնարավոր է հասնել գլխուղեղի անհրաժեշտ անոթը և կազմալուծել մակարդուկը։ Դա վիրահատական միջամտություն է, որն ապահովում է լավագույն արդյունք, և միջամտություն ստացած անձանց կյանքի որակը բարելավվում է: Այսպիսով, հստակ երևում են առավելությունները։ Հայ բժիշկների հետ աշխատել ենք 10 տարի։ Հայաստանում այս միջամտությունը հասանելի է Էրեբունի բժշկական կենտրոնում և Առաջին համալսարանական հիվանդանոցում։ Մենք հակված ենք աշխատել հայաստանյան այլ հիվանդանոցների հետ նույնպես, որպեսզի ամենուր հնարավորություն ունենան նման եղանակով բուժում ստանալ։
- Որքանո՞վ են նպաստում նման միջոցառումների իրականացումն առողջապահության զարգացմանը։
- Մեր աշխատանքի մի մասը հասարակաությանը կրթելն է։ Նրանք պետք է իմանան, որ եթե կաթվածի կասկած ունեն, պետք է շտապ բժշկական օգնության դիմել։
Շատ կարևոր է հասարակության տեղեկացվածությունը։
Եկեք համեմատություն անցկացնենք. օրինակ՝ կրծքավանդակի ցավի դեպքում մարդիկ արդեն գիտեն, որ կարող են մահանալ, եթե շտապ օգնության չդիմեն և որ դա ինֆարկտի նշան է։ Համանման է կաթվածը. պետք է իմանալ, որ շտապ բուժօգնության չդիմելու դեպքում կաթվածը մահացու է։
- Որո՞նք են Ձեր բանախոսության այն հիմնական կետերը, որոնց մասին հասարակությունը պետք է իմանա:
- Կան մի քանի հանգամանքներ: Առաջինը կաթվածի կանխարգելումն է։ Կաթվածի կանխարգելման առաջին քայլը չծխելն է, բարձր զարկերակային ճնշումը հսկողության տակ պահելը և արյան մեջ գլյուկոզայի մակարդակի հսկողությունը՝ շաքարային դիաբետով հիվանդների մոտ։
Հաջորդը կաթվածի ախտանիշների ճանաչումն է հասարակության լայն շրջանակներում։ Մեծամասնությունը տեղյակ չէ, որ վերջույթներում առաջացած հանկարծակի թուլությունը, խոսքային խանգարումները կամ դեմքի թուլությունը (ծռվածությունը) կաթվածի հիմնական նշաններն են, որոնց ի հայտ գալու դեպքում, առանց մեկ վայրկյան կորցնելու, պետք է դիմել շտապ բուժօգնության։
Այսպիսով. առանձնացնում եմ երեք կետ.
- կաթվածի կանխարգելում,
- ախտանիշների ճանաչում
- շտապ բուժօգնության դիմում։
Կարդացեք նաև
Առողջապահության նախարարությունը հայտարարում է մրցույթ կլինիկական փորձարկումների էթիկայի հանձնաժողովի անդամ ընտրվելու համար...
«Էնդոկրինոլոգիան լաբորատոր ախտորոշման պրիզմայով» միջազգային գիտագործնական կոնֆերանս-ցուցահանդեսի համանախագահներն էին ԵՊԲՀ կլինիկական լաբորատոր ախտորոշման...
Մայիսի 25-ին «Մարգարյան ծննդատուն» ՄՄԱՊԳՀԿ-ն կազմակերպել էր միջազգային գիտաժողով՝ «Կեսարյան հատման արդի հիմնախնդիրները» թեմայով...
Շարունակական մասնագիտական զարգացմանը նպաստելու մեր առաքելությանը համահունչ, ինչպես նաև Հայ օգնության ֆոնդի (ՀՕՖ) աջակցությամբ...
Մայիսի 17-30-ը «Արմենիա» ՀԲԿ-ում, բաց դռների օրվա կապակցությամբ, անվճար խորհրդատվություն և, անհրաժեշտության դեպքում, նորագույն SIEMENS անգիոգրաֆիկ...
«Էրեբունի» բժշկական կենտրոնի ալերգոլոգիական ծառայության ղեկավար, Երևանի գլխավոր ալերգաբան, Հայաստանի ալերգոլոգների և իմունոլոգների ասոցիացիայի նախագահ...
Երևանի Մխիթար Հերացու անվան պետական բժշկական համալսարանը մայիսի 21-ին հյուրընկալեց Մասնագիտական կրթության և ուսուցման որակի ապահովման...
2024 թ. մայիսի 7-8-ը «Էլիտ Պլազա» բիզնես կենտրոնում կայացավ «Կանխարգելիչ բժշկություն» միջազգային գիտաժողովը, որը կազմակերպվել էր...
2023 թվականից կրկնողաբար Երևանում (ԵՊԲՀ «Մանկաբարձության և գինեկոլոգիա»-ի թիվ 1 ամբիոն) տեղի կունենա «Մ.Հերացու անվան պետական բժշկական համալսարան»-ի կողմից կազմակերպվող...
Հարգելի գործընկերներ
Սիրով հրավիրում ենք մասնակցելու «Կանխարգելիչ բժշկություն» միջազգային մասնակցությամբ...
ՀՀ առողջապահության նախարարի «20» ապրիլ 2022թ․ NO1643-Ա հրամանով հաստատված (28 կրեդիտ)՝ Երևանի Մ․ Հերացու անվան պետական բժշկական համալսարանի Ընտանեկան բժշկության ամբիոնի կողմից կազմակերպվող․․․
Սիրելի բժիշկներ, բուժքույրեր, դեղագետներ
Հարվարդ և Ստենֆորդ համալսարանների կատարած հետազոտության համաձայն...
Warning: mysqli::query(): (HY000/1): Can't create/write to file '/var/tmp/MYcW05NM' (Errcode: 28 - No space left on device) in /sites/med-practic.com/classes/DatabaseManager_2.1.php on line 1403